Oryentasyon ng BMP

Ito ang bersyong 2018 ng oryentasyon ng BMP. Nilalaman nito ang maiksing paliwanag sa mga layunin, mga prinsipyo, kasaysayan, at istruktura ng ating organisasyon.

Ang kursong ito ay inilabas para sa istandardisadong oryentasyon para sa lahat ng iniimbitahang maging kasapi ng Bukluran.

Kung kinakailangan ng pagpapalalim ukol dito, hinihikayat ang pagbabasa sa Saligang Batas ng BMP, na inamyendahan at inaprubahan ng huling BMP Congress sa Baguio City noong 2018.

Sa ating pagtantya, maaring maglaan ng kalahating araw para sa naturang kurso, kung saan ang mas mahabang bahagi, ay ang pagpaplano ng mga bagong kasapi kung paano sama-sama o kolektibong makakagampan sa ating tatlong mayor na tungkulin na magmulat, magpakilos, at mag-organisa ng manggagawa.

Sapagkat ang pag-intindi sa ating mga pananaw at paninindigan ay hindi masasapul sa isang minsanang pag-aaral kundi sa tuloy-tuloy na paggampan sa mga gawaing pampulitika (na may tuwi-tuwinang pagtatasa at paglalagom para makatas ang mga aral).

Balangkas (at gagamiting slides):

Comments

Ang General Mass Course (GMC)

Ang General Mass Course (GMC) ay ang batayang pag-aaral para sa lahat ng kasapi ng Bukluran. Layon nitong palalamin ang mga prinsipyo't paninindigan ng BMP. Binubuo ito ng limang modyul, at may pasimulang modyul para sa pagtatakda ng layunin ng kurso at sa pangkalahatang mga pananaw ukol sa pag-aaral at sa proseso ng pagkatuto. Modyul 1: Introduksyon sa GMC at sa Pag-aaral Modyul 2: PAGSASAMANTALA: Ugat ng Kahirapan Modyul 3: KAPITALISMO: Pagsasamantala sa Manggagawa Modyul 4: IMPERYALISMO: Pandaigdigang Kapitalistang Pagsasamantala Modyul 5: SOSYALISMO: Abolisyon ng Pagsasamantala Modyul 6: REBOLUSYON tungong SOSYALISMO

LANDAS NG URI (LNU) - 2022 version

Ang Landas ng Uri o LNU ay basic course ng BMP noong 1996. Ibinabalik po natin ito bilang panimulang kurso bago mag GMC (General Mass Course), partikular para sa mga sahurang manggagawa at mga kasaping unyon ng ating mga pederasyon, at sa mga unyonista, sa pangkalahatan. Updated na ang mga datos, partikular sa kalagayan ng manggagawa. Mayroon din pagsasakongkreto sa tungkuling paunlarin ang kilusang paggawa bilang taliba o lider ng bayan sa ilalim ng bagong rehimen ni Marcos Junior. Nasa ibaba po ang "slides" para sa talakayan ng LNU. Batay sa ating karanasan, ito ay maaring ibigay sa maksimum na limang (5) oras, na mas maiksi kumpara sa ating GMC, na nangangailangan ng dalawang araw na sesyon.

GMC Modyul 3: KAPITALISMO - Pagsasamantala sa Manggagawa

Pangkalahatang Layunin: Ipaunawa ang sahurang paggawa bilang kasalukuyang anyo ng pagpiga ng sarplas na paggawa sa mga masang walang pag-aari. Ang paglago sa yaman ng iilan sa ilalim ng kapitalismo ay hindi pandaraya kundi sistematikong pagsasamantala mula sa di-bayad na paggawa, na pinagmumulan ng tubo, interes, renta at buwis. Ang manggagawa ay sahurang alipin. Mga partikular na layunin: 1. Ilinaw na ang ugnayan ng mga tao sa pabrika ay sumasalamin sa relasyong panlipunan. Ang lipunan ay asosasyon ng tao, na naoobligang makipag-ugnayan sa isa’t isa para mabuhay. Ang pangalan ng kasalukuyang lipunan ay kapitalismo. 2. Ilinaw ang mga katotohanan sa likod ng sahod (See PAKUM preface) : a) ang sahod ay presyo (ang manggagawa ay kalakal), b) ang sahod ay kapital (ito ang bahagi ng puhunan na lumalago), k) ang sahod ay pinagmumulan ng tubo (ang manggagawa ang tanging kalakal na lumilikha ng bagong halaga), d) ang sahod ay galing sa manggagawa (ang manggagawa ang nagpapasweldo sa kanila

BMP WORKERS SCHOOL

Search This Blog