Ang Paaralang Manggagawa

Ang Workers School ay isa sa matagal nang proyekto ng Bukluran ng Manggagawang Pilipino (BMP). Sinimulan ito noong 1996, nang mahalal bilang pangulo ng Bukluran si Ka Popoy Lagman.

Sa nagdaang mga panahon ay inilagay ang naturang proyekto sa mismong Saligang Batas ng BMP:

ARTIKULO XIII -- PAARALANG MANGGAGAWA

Ang Paaralang Manggagawa ang magsisilbing pandayan ng sosyalistang kamulatan ng mga manggagawa at anakpawis at magsisilbing paaralang paghahalawan ng mga lider at kasapi ng kasanayan sa militanteng unyonismo at makauring linya.

Ang website na ito ay ginawa para sa naturang proyekto. Lalamnin nito ang mga modyul at teaching aids sa pagtuturo ng mga kurso ng BMP.

Layon natin na sa darating na mga panahon, lalamnin nito ang mga video ng actual na pagtuturo ng mga kurso. Para sa malawakan at istandardisadong pagtuturo ng mga kurso sa ating kurikulum.

Comments

Ang General Mass Course (GMC)

Ang General Mass Course (GMC) ay ang batayang pag-aaral para sa lahat ng kasapi ng Bukluran. Layon nitong palalamin ang mga prinsipyo't paninindigan ng BMP. Binubuo ito ng limang modyul, at may pasimulang modyul para sa pagtatakda ng layunin ng kurso at sa pangkalahatang mga pananaw ukol sa pag-aaral at sa proseso ng pagkatuto. Modyul 1: Introduksyon sa GMC at sa Pag-aaral Modyul 2: PAGSASAMANTALA: Ugat ng Kahirapan Modyul 3: KAPITALISMO: Pagsasamantala sa Manggagawa Modyul 4: IMPERYALISMO: Pandaigdigang Kapitalistang Pagsasamantala Modyul 5: SOSYALISMO: Abolisyon ng Pagsasamantala Modyul 6: REBOLUSYON tungong SOSYALISMO

LANDAS NG URI (LNU) - 2022 version

Ang Landas ng Uri o LNU ay basic course ng BMP noong 1996. Ibinabalik po natin ito bilang panimulang kurso bago mag GMC (General Mass Course), partikular para sa mga sahurang manggagawa at mga kasaping unyon ng ating mga pederasyon, at sa mga unyonista, sa pangkalahatan. Updated na ang mga datos, partikular sa kalagayan ng manggagawa. Mayroon din pagsasakongkreto sa tungkuling paunlarin ang kilusang paggawa bilang taliba o lider ng bayan sa ilalim ng bagong rehimen ni Marcos Junior. Nasa ibaba po ang "slides" para sa talakayan ng LNU. Batay sa ating karanasan, ito ay maaring ibigay sa maksimum na limang (5) oras, na mas maiksi kumpara sa ating GMC, na nangangailangan ng dalawang araw na sesyon.

GMC Modyul 3: KAPITALISMO - Pagsasamantala sa Manggagawa

Pangkalahatang Layunin: Ipaunawa ang sahurang paggawa bilang kasalukuyang anyo ng pagpiga ng sarplas na paggawa sa mga masang walang pag-aari. Ang paglago sa yaman ng iilan sa ilalim ng kapitalismo ay hindi pandaraya kundi sistematikong pagsasamantala mula sa di-bayad na paggawa, na pinagmumulan ng tubo, interes, renta at buwis. Ang manggagawa ay sahurang alipin. Mga partikular na layunin: 1. Ilinaw na ang ugnayan ng mga tao sa pabrika ay sumasalamin sa relasyong panlipunan. Ang lipunan ay asosasyon ng tao, na naoobligang makipag-ugnayan sa isa’t isa para mabuhay. Ang pangalan ng kasalukuyang lipunan ay kapitalismo. 2. Ilinaw ang mga katotohanan sa likod ng sahod (See PAKUM preface) : a) ang sahod ay presyo (ang manggagawa ay kalakal), b) ang sahod ay kapital (ito ang bahagi ng puhunan na lumalago), k) ang sahod ay pinagmumulan ng tubo (ang manggagawa ang tanging kalakal na lumilikha ng bagong halaga), d) ang sahod ay galing sa manggagawa (ang manggagawa ang nagpapasweldo sa kanila

BMP WORKERS SCHOOL

Search This Blog